Reboredok etxe-istripu bat izan zuen orain dela hilabete batzuk, eta horren ostean ebakuntza bat egin zioten. Tamalez, ebakuntza txarto egin zioten eta ondorioz, gitarra jotzeko ezinduta gelditu da donostiarra.
Reboredok ibilbide luzea dauka musikari moduan: Why Not?, Barrakos, Nuevo Catecismo Catolico eta Snobs taldeen sortzaile eta gitarra jotzaile izan zen. Horrez gain, Los Padrinos eta Gramones taldeetan ere ibilia da, besteak beste. Eta hainbat urtetan Estudio 77 grabazio estudioaren arduradun ere izan da.
Ezintasun hori osatzeko eta abokatuen eta medikuen gastu guztiak ordain dezan, hainbat musika taldek, Helldoradoko lan taldeak eta Hala Bedi Irratiko El Pintalabios irratsaioko arduradunek jai berezia antolatu dute.
22:00etan hasiko da kontzertua eta honako taldeek ordu erdiko ikuskizunak egingo dituzte: Los Gramones, Señor No, The Hot Dogs!, Maximum Bigotes Power, Discipulos de Dionisos eta Los Cretinos.
Txarteldegian zein tabernan jasotako dirua Reboredori emateko izango da.
Idatzi artikulu bat