Hauxe da blogera egiten dudan lehenengo sarrera. Orain arte, egia esan, asmatu ezinik ibili naiz, eta egia esaten badizuet, hainbat gauza direla bide, ahaztu samartuta ere eduki dut. Dena dela berau idazten dut jakin dezazuen aurki hasiko naizela edukiak sartzen, kantuen bertsio gordinak mp3an, zuek ikusteko nolako bidea egin duten kantu batzuek. Gainera, hurrengo diskoa nola osatzen den ere jarraitu ahal izango duzue blog honetatik, kantuak nola moldatzen diren edo diseinurako, izenbururako eta abarrerako dauden ideiak ere hemen agertuko dira. Dena den, hau dena abuztuaren ostean. Izan ere orduan hasiko baikara diskorako abestiak bandarekin atontzen. Blog honetan, bestaldetik, kontzertu, elkarrizketa, eta abarren berri ere emango dut. Tarteka zer ari naizen jakin nahi baduzue, nahikoa duzue hona hurbiltzearekin. Ondo izan.
Honen azpian dauden mp3 biak, blog honetan maiz egingo dugunaren adibidea dira, hots, kantu bat nola atera zen diskoan, baina nolakoa zen aurretik erabili genuen bertsioa. Honetan aldaketa agian ez da oso nabarmena, baina konturatzen bazarete (erritmo-kutxa monotono eta bizigabeaz aparte) badago teklatu bat, oso atmosferikoa, errekurrentea, azkenean sartu ez genuena. Orain berriz entzunda, pena izan zela uste dut.
Hasierako bertsioa:
Diskoan honela geratu zen:
Diskoa: Nire anaiaren kotxeko argiak
Idatzi artikulu bat